نكات

مسموم ف الجنازة
هادا واحد مسموم مشى لواحد الجنازة و بدا يبكي يبكي يبكي. سولوه الناس: واش كتعرف هادا اللي مات؟ قال ليهم: لا، و لكن سمعت بأن البكا كيعدب الميت
المسموم منين مات باه
واحد المسموم صور بّاه و هوما كيدفنوه، و كل نهار كيخدم الكاسيطة لأمه

مول فران مسموم
واحد الطلاب مشى عند واحد مول فران مسموم قال ليه: خويا، سيمانة هادي ما دقت الخبز قال ليه مول الفران المسموم: راه مداقو هو هو، ما تبدلش

المسموم و تنظيم القاعدة
واحد المسموم جرى عليه بّاه من الدار. ناض كتب على باب دارهم: مقر تنظيم القاعدة

المسموم و شهر العسل
واحد المسموم تجوج... و مشى لشهر العسل بوحدو

المسموم رئيس البوليس
واحد مسموم عينوه رئيس د البوليس. أول حاجة دارها ناض بدل رقم الطوارئ من 190 ل 08397287873902982

حمامة ولا غزال
هادا واحد قال لمرته: انتي حمامة قالت له: لا، أنا غزالة قال لها: واخا. المهم حيوانة

نكت مدرسة
يعيش السمك في الماء
الأستاذ: يعيش السمك في الماء. التلميذ: يعيش يعيش يعيش
خمسة د الحيوانات
هادا واحد التلميد قال ليه المعلم: عطيني خمسة ديال الحيوانات قال ليه التلميد: بقرة و كلب و تلاتة ديال الحمامات

نضغ نضغ
واحد المعلم عزيزعليه يسلخ الدراري. شد واحد الولد وسولو: باش تغديتي اليوم؟ جاوبو: بالمرقة. هز المعلم العصا وبدا يضرب فيه: ها البطاطا، ها خيزو، ها اللفت، ها اللحم، ها البصلة... حتى شبعو عصا داز على التلاميد كلهم حتى وصل عند واحد العايق سولو: باش تغديتي؟ هو يقول ليه: بمسكة وقف المعلم شوية يفكر، وهز العصا حتى السما هو يعطيه: ها الكاغيط الفوقاني، ها الكاغيط التحتاني، ها نضغ نضغ نضغ نضغ

ممحاة ديال ستاشرمية
هادا واحد المعلم تعين ف واحد لقرية ف لعروبية. واحد النهار دّا الكاشير للقسم و سول التلاميد: ما هذا؟ حتى واحد ما قشع أشنو داكشي. شوية و هو يهز واحد التلميد صبعو: هاديك ممحاة ديال ستاشرمية

» نكات عراقيه